الفنانة إجلال زكي: عادل امام زعل مني لرفضي مشاركته بعمل فيه قبلات

الغد برس/ بغداد 

كشفت الفنانة إجلال زكي عن رفضها تقديم مشاهد بها قبلات طوال مسيرتها الفنية وهو ما تسبب في إضاعة فرص كبيرة ومنها العمل مع عادل إمام.

وحكت إجلال زكي خلال حوار تلفزيوني، "كان شرط من الشروط وضيع عليا أفلام كتير وقدام نجوم يعني يبقى السيناريو حلو جدا والدور حلو جدا وألاقي قبلة، ليه لازمتها إيه؟".

وتابعت إجلال زكي لتحكي عن رفضها العمل مع عادل إمام بسبب القبلة وقالت: " كان في فيلم مع عادل إمام "قاتل مقتلش حد" كنت المفروض فيه مدرسة أطفال الزميلة آثار الحكيم عملته، المفروض كان فيه بوسة، أنا قلت لأستاذ عادل إمام أنا مش هينفع أعمل دا شيل المشهد دا اشتغل لأن عاجبني السيناريو، عادل قالي ليه يا إجلال مش عايزة تبوسيني؟ وزعل مني شوية وبقى كل ما يشوفني يقولي "مش عايزة تبوسيني".

كما حكت عن موقف آخر جمعها بالفنان محمود ياسين وقالت: "محمود ياسين مثلا أنا عاملة معاه أفلام كتير عملت معاه بطولة "رجل بمعنى الكلمة"، فاتفق مع أستاذ نادر جلال المخرج أن هو يبوسني في خدي، فلما عملها طلعت برا الكادر، المخرج قالي إيه يا ست، قلت له مش متفقين فمحمود ياسين قاله مش قولتلك أنها عيلة".

وكشفت إجلال زكي سبب رفضها تقديم هذا المشاهد قائلة: "عمري ما ليا مشهد بمايوه أو مشهد ساخن أو قبلة، أي زوج من حقة أنه يقول لأ، لكن أنا قلت بيني وبين نفسي بنتي هتكبر وهيبقى عندي أحفاد شكلي هيبقى إيه قدام أحفادي وأنا عاملة حاجة، الحمد لله النهاردة لما بيتفرجوا على حاجة لجدتهم مش بيلاقوا حاجة دي كانت وجهة نظري معرفش كنت صح ولا غلط".

كلمات مفتاحية :